គោលនយោបាយ
គោលនយោបាយ គឺជាកម្មវិធីនានាដែលបានគ្រោងឡើងយ៉ាងហ្មត់ចត់ ដោយបានដាក់ចេញនូវគោលបំណងដែលចង់បាន ព្រមទាំងចង្អុលចង្ហាញនូវមធ្យោបាយនានាដើម្បីធ្វើឲ្យសម្រេចបំណងនោះ។
គោលនយោបាយសាធារណៈ គឺជាសកម្មភាពជាក់ស្តែងរបស់រដ្ឋាភិបាលឬរបស់ភ្នាក់ងាររដ្ឋាភិបាល ធ្វើជាបន្តបន្ទាប់មានលក្ខណៈជាសេរី ជាមួយការប្តេជ្ញាចិត្តខ្ពស់ហើយកំពុងតែជួយដោះស្រាយបញ្ហានានា ព្រមទាំងរិះរកគ្រប់មធ្យោបាយជួយបន្ធូរបន្ថយ ឬបញ្ឈប់រឿងរាវដែលជាកង្វល់របស់ប្រជាជន ដោយបានដាក់ចេញនូវវិសាលភាពនិងដែនកំណត់ច្បាស់លាស់។
គោលនយោបាយការបរទេស គឺយុទ្ធសាស្រ្តឬផែនការដែលរៀបចំឡើងដោយអ្នកធ្វើសេចក្តីសម្រេចរបស់រដ្ឋមួយ ចំពោន រដ្ឋដទៃទៀត ឬ នីតិបុគ្គលអន្តរជាតិនានា ដើម្បីសម្រេចបាននូវគោលបំណងជាក់លាក់ សម្រាប់ជាតិរបស់ខ្លួន។[1] គោលដៅនៃនយោបាយការបរទេសមានបីគឺ សន្តិសុខជាតិ សុខៈ មាលភាពសេដ្ឋកិច្ច និង អត្តសញ្ញាណជាតិ ។ សន្តិសុខជាតិមានន័យថា គឺការការពារអធិបតេយ្យ បូរណភាពទឹកដី , សុខុមាលភាពសេដ្ឋកិច្ច គឺការរីកចម្រើនផ្នែកសេដ្ឋកិច្ច និង អត្តសញ្ញាណជាតិ គឺការការពារវប្បធម៌ ប្រពៃណី ទំនៀមទម្លាប់ ។
គោលនយោបាយរូបិយវត្ថុ គឺមធ្យោបាយដែលអាជ្ញាធររូបិយវត្ថុរបស់ប្រទេសមួយគ្រប់គ្រងលើការផ្គត់ផ្គង់រូបិយវត្ថុ ក្នុងគោលបំណងកំណត់អត្រាអតិផរណា ឬអត្រាការប្រាក់ ដើម្បីធានាបាននូវស្ថិរភាពថ្លៃ និងការជឿជាក់លើរូបិយវត្ថុជាតិ ។[2] គោលដៅនៃគោលនយោបាយនេះគឺរួមចំណែកដល់ ស្ថិរភាពនិងកំណើនសេដ្ឋកិច្ច បន្ថយអត្រានិកម្មភាព និងព្យាករអត្រាប្ដូរប្រាក់ជាមួយរូបិយប័ណ្ណផ្សេងៗទៀត ។
ការអនុវត្តគោលនយោបាយ ទាមទារឱ្យមានការចូលរួមយ៉ាងសកម្មពីគ្រប់ក្រសួង ស្ថាប័ន អាជ្ញាធរគ្រប់លំដាប់ថ្នាក់ មន្ត្រីរាជការ បុគ្គលិក កងកំលាំងប្រដាប់អាវុធ សង្គមស៊ីវិល ព្រមទាំងភាគីពាក់ព័ន្ធទាំងអស់ ដើម្បីឲ្យចក្ខុវិស័យ គោលបំណង និងគោលដៅរបស់គោលនយោបាយមានប្រសិទ្ធិភាព និងកាន់តែល្អប្រសើរឡើង៕
យោង :
ឯកសារផ្សេងៗព័ន្ធអត្ថបទ ៖
· គោលនយោបាយ ស្តីពី«ភូមិ ឃុំ សង្កាត់មានសុវត្ថិភាព»
· គោលនយោបាយ ស្តីពីការគ្រប់គ្រងដីរដ្ឋ
· គោលនយោបាយ ស្តីពីការផ្តល់សេវាសាធារណៈ
· គោលនយោបាយ ស្តីពីគ្រប់គ្រងធនធានមនុស្ស
· គោលនយោបាយ ស្តីពីគ្រប់គ្រងសំរាម សំណល់រឹងទីប្រជុំជន
· គោលនយោបាយ ស្តីពីប្រព័ន្ធវាយតម្លៃថ្លៃអចលនទ្រព្យ
· គោលនយោបាយជាតិ ប្រជាជន
· គោលនយោបាយជាតិ ស្តីពីធនធានរ៉ែ
· គោលនយោបាយជាតិ ស្តីពីភាសាខ្មែរ
· គោលនយោបាយជាតិ ស្តីពីលំនៅឋាន
· ...
យោបល់ពាក់ព័ន្ធអត្ថបទ ៖
· ការរៀបចំ និងការបង្កើត
· ការបកស្រាយ
· ការតាមដាន
· ការវាយតម្លៃ
· ភាពជាប់ពាក់ព័ន្ធភាគីផ្សេងៗ
· លទ្ធផលអនុវត្ត
· ផ្សេងៗ. ...
ប្រឹក្សាយោបល់ ជាមួយយើងខ្ញុំ ៖
ACC Telegram ៖ https://t.me/lyhenglaw
Group Telegram ៖ https://t.me/lawlyheng
Website ៖ https://www.lawlyheng.com
Pages FB ៖ https://www.facebook.com/lawlyheng
Youtube៖ https://youtube.com/@lawlyheng1689
Gmail ៖ lawlyheng@gmail.com
សូមគោរពអរគុណ!
